Қазақстан Халқы Ассамблеясының Арқалық қалалық «Аналар кеңесіне» арнайы кабинет берілді. Белсенді ақ жаулықты аналар осы жерде жиі-жиі бас қосып, тұрақты іс-жоспарларды іске асырады.
Аналарға арналған жеке бөлменің ашылуына әкімінің орынбасары Мешітбай Жұманов, қалалық ардагерлер кеңесінің төрағасы Түбекбай Әубәкіров қатысып, аналар кеңесінің қоғамдағы рөлінің алар орны зор екендігіне, отбасы, жас ұрпақ тәрбиесінде бұл ұйымның зор іс тындырып жүргеніне ризашылықтарын білдірді.
Арқалық қалалық «Аналар кеңесінің» төрайымы Бақытжамал Қалтаеваның келешекте қала аймағындағы өнерлі аналарды біріктіріп «Аналар ансамблін» құру және «Кимешек киген әжелер» құралыптас бірегей жобаларды жандандырмақ ойы бар.
-2015 жылдан бері «Аналар кеңесі» болып құрылып, түрлі жақсы тәрбиелік мәні бар, жастар арасында, жас отбасылар, ата-аналар арасында ұлағатты қызмет атқарып келеміз. Осы күнге дейін біздің орталығымыз болған емес. Аналар кеңесі болып, жеке отырысымызды өткізуге мүмкіндік болмайтын еді. Кездескен жерде сөйлесіп, пікірлесіп, жоспарымызды талдап алатынбыз. Енді, мінеки, жеке кабинеттің ашылуын өткізіп жатырмыз. Аналар кеңесі толық құраммен жиналып, ашылу, жабдықтау жұмыстарына асқан жанашырлықпен атсалысқан азаматтарға шынайы алғысымызды білдіреміз,-дейді Арқалық қалалық аналар кеңесінің төрайымы Бақытжамал Қалтаева.
Аналар кабинеті қала әкімдігі ғимаратының бесінші қабатында орналасқан.
Шұға ҚОҢҚАБАЙ, Суреттерді түсірген Мұрат Жүнісұлы
Арқалық маңындағы Қайыңды ауылында тұратын 39 жастағы мүсінші Айдос Есмағамбетов – Қазақстандағы гиперреализм бағытында еңбек…
Арқалық қаласында тері өңдеу зауытының жұмысын қайта бастау жоспарлануда. Бұл кәсіпорын бірнеше жылдар бойы тоқтап…
Арқалық қаласында ауыл шаруашылығын және мал шаруашылығын дамытуға бағытталған үш ірі инвестициялық жоба жүзеге асырылмақ.…
Торғай даласына керқұланның (Пржевальский жылқысы) жаңа тобы жеткізілді. (далее…)
Арқалық қаласына қарасты Жалғызтал ауылында тұратын Сапарбай Қабжанов есімді ақсақалға биыл 90 жас толады. Жасы…
Қостанай облысының оңтүстік өңірлерінде шегірткеге қарсы химиялық өңдеу жұмыстары қарқын ала бастады. Қауіпті зиянкеспен күрес…
This website uses cookies.