Қостанай облысындағы жылу желілерін реконструкциялауды аяқтауға үкімет резервінен шамамен 2,2 млрд теңге бөлінді
Тиісті қаулыға премьер-министр Олжас Бектенов қол қойды. Қаражат Қостанай, Жітіқара, Арқалық қалаларындағы жылу нысандарын және Рудный қаласының су жүйесін жөндеуге бағытталды.
Арқалық қаласында жылу желілерін жаңғырту жұмыстары қарқынды түрде жалғасуда. Үкімет резервінен бөлінген қаржының бір бөлігі – шамамен 645 миллион теңге – қаладағы жылу инфрақұрылымын кезең-кезеңімен жаңарту жобасының үшінші кезегін іске асыруға жұмсалады.
Жоспарға сәйкес, 2025 жылы Арқалықта жылу желілерінің 1,6 шақырымы жаңартылмақ. Қаланың орталықтандырылған жылу жүйесінің жалпы ұзындығы 10 шақырымға жуық, оның айтарлықтай бөлігі ескіргендіктен, қысқы кезеңде ақаулардың туындау қаупі бар.
Жаңартылуы тиіс желіге 300 абонент, оның ішінде әлеуметтік маңызы бар нысан – жалпы білім беретін мектеп қосылған. Жобаның жүзеге асуы жылу беру сапасын арттырып, тұрғындар мен мекемелерді тұрақты әрі сенімді жылумен қамтуға мүмкіндік береді.
Мамандардың айтуынша, жаңа құбырлар мен заманауи жабдықтарды орнату жүйенің энергия тиімділігін жоғарылатып, жылу шығынын азайтады. Бұл Арқалық қаласының жылу инфрақұрылымын ұзақ мерзімді перспективада тұрақтандыруға ықпал етеді.
Шұға ҚОҢҚАБАЙ, суретті түсірген Бердіболат Көркембаев
Арқалық қаласында газ баллонының жарылуы салдарынан екі адам жарақат алды. Оқиға 29 қаңтарға қараған түні…
Арқалық қаласында мемлекеттік қызмет көрсету сапасын арттыруға бағытталған «Үздік қызмет көрсетуші» конкурсы өз мәресіне жетті.…
Биыл Арқалық қаласының әуежайы қайта іске қосылады. (далее…)
Арқалық қаласында сот шешімімен таратылған қайырымдылық ұйымының ғимаратында заңсыз діни қызмет жүргізілгені анықталды. Бұл туралы…
Бұған дейін Қарғалы елді мекенінде Торғай өзенінде балықтардың жаппай қырылуы мүмкін деген ақпарат тараған еді.…
Арқалық қаласында жылу желілерінің тозу деңгейі екі есеге азайды. (далее…)
This website uses cookies.