Арқалық қаласында газ баллонының жарылуы салдарынан екі адам жарақат алды. Оқиға 29 қаңтарға қараған түні Северный кентінде орналасқан жеке тұрғын үйлердің бірінде болған.
Жарылыс нәтижесінде үйдің шатыры қирап, ғимаратқа айтарлықтай зақым келген. 31 қаңтар күні arkalyk.news Instagram-паблигінде оқиға орнынан түсірілген видео жарияланды. Бейнежазбада көршілердің бірі түнгі сағат 3 шамасында көрші үйде қатты жарылыс болғанын айтып, салдарын көрсетеді. Оның сөзінше, жарылыс салдарынан есік жұлынып, көршілес үйдің ішкі қабырғасы да опырылған.
2 ақпан күні аталған оқиғаға қатысты Қостанай облыстық Төтенше жағдайлар департаментінің баспасөз қызметі түсініктеме берді.
– 29 қаңтар түні 101 пультіне Арқалық қаласы Северный кентіндегі төрт пәтерлі жеке тұрғын үйде газ-ауа қоспасының жарылысы болғаны туралы хабар түсті. Жарылыс өрттің шығуына ұласқан жоқ. Оқиға орнына жедел жеткен өрт сөндірушілер жарылыс салдарынан шатырдың құлағанын анықтап, үйінділерді тазалау жұмыстарына кірісті, – деп хабарлады ведомстводан.
Құтқарушылар келгенге дейін 1979 жылы туған ер адам мен 1984 жылы туған әйел күйік жарақаттарымен ауруханаға жеткізілген. Қазіргі таңда оқиғаның мән-жайы мен себептері анықталуда.
Шұға АҢСАҒАНҚЫЗЫ
Тұрғындар аптасына екі рет қатынайтын әуе рейстерінің бірін демалыс күніне ауыстыруды сұрады (далее…)
После заключения договора у него будет еще 30 календарных дней на выполнение работ — таким…
В здании специализированной пожарной части №4 проведут текущий ремонт (далее…)
Ұшақ билеттерінің бағасы белгілі болды. (далее…)
На оставшиеся работы выделили более 51 млн тенге. Подрядчику предстоит закончить системы вентиляции, пожарной безопасности…
С 4 по 9 августа Аркалык на несколько дней стал главной спортивной столицей области В…
This website uses cookies.