Главные новости Аркалыка – Qostanai Media

Арқалық қаласына қарасты Қызылжұлдыз және Екідің ауылдарынан эвакуацияланған 122 адамға көмек көрсетілді. Арнайы комиссия тасқын судан зардап шеккен үйлерді аралап, шығын мөлшерін анықтап, акт жасауда. Мұндай жұмыстар 123 үйге жүргізілді.

Қазіргі күні бағалаушы компанияның өкілдері де жұмыстарын бастап кетті. Мұнан бөлек, жергілікті әлеуметтік сала өкілдерінен жасақталған комиссия су тасқынынан зардап шеккен 265 отбасыны анықтады. Құжат тапсырған 191 отбасыға 50 (АЕК) көлемінде (184 600 теңгеден) 35 млн 258 мың теңге бір реттік төлем жасалды.

Арқалық қаласы әкімідігінің берген мәліметіне сүйенсек, төтенше жағдай кезінде Арқалық қаласының су басқан ауылдарынан барлығы 301 адам қауіпсіз жерге шығарылды. Арнайы эвакопункттерге 124 адам орналастырылды. Апат салдарынан Екідің ауылында 32 үй, 2 шаруа қожалығы, Қызылжұлдыз ауылында 30 үй, 4 шаруа қожалығын су басты. Тасқын кезінде үш үй құлады. Северный кентінде 72, Дачный кентінде 22, Западный кентінде 4, Новый кентінде 25, барлығы 201 үйді су басқан. Диспечерлік қызметте дамбыл жоқ. Тұрғындардан әлі де арыз-шағымдар түсіп жатыр.
Көмектесушілердің де, жанашыр жандардың да қарасы қалың. Арқалық қалалық іскер әйелдер қауымдастығы, өнер адамдары, қала тұрғындары бей-жай қалмады. Қолдарынан келген көмектерін көрсетуде. Арнайы орталыққа киімдер, ыдыстар және қажетті тұрмыстық техникалар жеткізілді. Сондай-ақ, жекелеген азаматтар зардап шекккен отбасылардың есеп-шотына 500 теңгеге жуық қаражат аударды. Мекемелер мен ұжымдар 1 тоннадан астам азық-түлік және киімдер жеткізді.

Жол қатынасы уақытша тоқтаған елді мекендерге тікұшақ арқылы азық-түлі, 100 литр бензин, 100 литр жанар-жағармай, қажетті дәрі-дәрмек жөнетілді.

Көмек қолын созып жатқан аудандар да бар. «AMANAT» партиясынан тонна гуманитарлық көмек келді. Әулиекөл ауданынан 30 тонна, Науырзым ауданынан 15 тонна шөп, Ұзынкөл ауданынан 50 тонна жем жетті.

Шұға ҚОҢҚАБАЙ