Ел арасында «Торғай тұрғанда, Дубайды қайтесің» деген керемет сөз жиі айтылып жүр.Осы сөзді естігенде бір марқайып қаламыз. Бұл қасиетті мекенге берген зор баға деп білуіміз керек. Сол барды бағалаудың өзі бір ғанибет. Жаз айында біздің өңірге туристтер көп келеді. Ахмет пен Міржақып атамыздың туған жерін көру бір бақыт екенін сезінген жандарға қашанда құшағымыз айқара ашық. Жалпы, Торғай жері тұлғалар мен қазба байлықтың өлкесі. Туристтер тарихи жердің құндылығын ұғынып, Ақкөл ауылындағы «Ыстық су» мен «Тұзды көл» емдік суына шомылуға көптеп барады. Жақында ғана облыстық мәслихаттың депутаты, Қазақстан Журналисттер Одағы Қостанай облыстық филалының төрайымы Александра Серғазинова бастаған саяхатшылар келді.
Олар «Тылсым Торғай тур» жобасы аясында киелі жерлердің тарихымен танысып, ұлтымыздың ұлы тұлғалары Ахмет Байтұрсынұлы мен Міржақып Дулатұлының рухына тағзым жасауға келген. Саяхатшылар сапында «Жанашыр бол» қоғамдық қорының мүшелері, танымал журналисттер мен блогерлер және жас ғалымдар бар. Алдымен Ахаң мен Жахаңның мұражайын аралады. Тұтынған көне заттарымен және шығармаларымен танысты. Торғайдан шыққан тұлғалардың өмір тарихына қанық болды. Одан кейін ұлт ұстазы Ыбырай Алтынсарин мұражайын барды. Ұстаздық жолындағы елеулі еңбектерімен танысты.
«Жолаушының ақысы – жүрсе өнеді». Елге келген саяхатшылар Ақкөл ауылына жол тартты. Ең басты армандары Ахмет атамыздың туған жеріне барып, тағзым жасау. Құрбандық шалып, рухына құран бағыштау. Жүйелі арман жүзеге асып, көңілдері жайланды. Атамыздың мұражайына бір күн түнеп, таңертең кесенесіне мінәжат етіп, дұға оқыды. «Мың рет естігенше, бір рет көзбен көр» деп емдік қасиеті бар «Тұзды көл» жеріне ат басын тіреді.
– Жангелдин ауданы, Ақкөл ауылындағы «Тұзды көл» шипалы ем екенін әлеуметтік желілерден оқыдым. Бір сәті түсіп, соған барсам деген ой жиі мазалайтын. Ол күнге де жеттім. «Тылсым Торғай тур» жобасы аясында емдік қасиеті бар көлге бардық. Дөңгеленген аумағ кең. Біз барғанда ол маңда адамдар көп шоғырланған екен. Тұз бетінде тобыққа жетер жетпес су бар екен. Бір қайран қалғаным әрбір жерде домалақ-домалақ тесіктер пайда болған. Адамдар соған шомылып жатыр екен. Бізде сол суға түстік. Қанша қимылдасаңда су көтеріп бетіне шығарады. Табиғаттың тылсым күшіне таңқалдым. Нағыз туристтік жер екен. Қаржысы мол инвестор болса, көл жағасын демалыс орынан айналдыруға ібден болады. Нағыз емге шипа. Бойым сергіп, жайлы сезіндім. Тұла бойыма бір күш пайда болғандай күйде болдым. Осындай табиғатқа бай Торғай жері Дубайдан кем емес екен, – дейді журналист Асхат Нұртазин.
– Торғай жерінің тылсым табиғатына тәнті болдық. Көптеген тұлғалар шыққан киелі жердің қасиетті топырағын басу біз үшін үлкен бақыт. Ахмет пен Міржақып атамыздың туған жеріне келіп, арқа басымыз кеңіді. Тұлалар мен қазба байлыққа бай өлкені келешегі зор деп білеміз, – дейді саяхатшылар.
Емдік қасиеті мол шипалы тұздың суынан керемет ләззат алып, көршілес Амангелді ауданына жол тартты.
Экскурсиялық сапар Қостанай облысы білім басқармасының тапсырысы бойынша «Отбасылық туризмді дамыту» жобасы аясында өткізілді, жобаны жүзеге асырушы – «Жанашыр бол» қоғамдық қоры.
Байбатыр АХМЕТБЕК Суретті түсірген Лариса Божко
Қазіргі таңда перзентхана ғимаратына күрделі жөндеу жүргізілуде. (далее…)
Қостанай облысының әкімі Арқалық қаласына жұмыс сапары барысында бірқатар нысандарды аралап, өңірдегі инфрақұрылымдық жобалардың барысымен…
Арқалықтан Ұлытау ауданына дейінгі аралықта салынып жатқан жаңа күре жол құрылысы қарқынды жүріп жатыр. (далее…)
Арқалық қаласында әйгілі «Ұлы дала жорығы» атты халықаралық ат марафоны өз мәресіне жетті. (далее…)
Арқалық қаласында ұзақ жылдар бойы бос тұрған қалалық мәдениет сарайы күрделі жөндеуден өтіп, қайтадан пайдалануға…
Арқалық қаласында өзін қалыңдық ретінде таныстырып, болашақ жарымен және оның туыстарымен бірге тұрып, бірнеше несие…
This website uses cookies.