Арқалықтық үздік спортшылар марапатталды

Арқалықта жыл қорытындысы бойынша үздік спортшылар марапатталды.

Қалада өткен республикалық, әлемдік және халықаралық жарыстарда ел намысын абыроймен қорғап, жеңіс тұғырынан көрінген спортшылар мен жаттықтырушыларға зор құрмет көрсетілді.

– Биыл қалада бұқаралық спортты дамытуға зор көңіл бөліп отырмыз. Арқалықта қазіргі уақытта 16 мың адам спортпен белсенді түрде айналысады, бұл қала халқының 45,2%-ын құрайды. Мемлекет басшысы Қасым-Жомарт Тоқаев 2030 жылға дейін халықтың 50%-ын спортпен қамту міндетін қойды, біз бұл бағытта қадам басып келеміз, – деді қала әкімі.

Өткен жылы Арқалықта жалпы көлемі 397 миллион теңгеге 36 спорт алаңы бой көтеріп, биыл тағы 1 миллиард 268 миллион теңгеге спорт мектеп-интернаты мен күрес залы салынатын болады. Бұған қоса, бұрынғы «Қазақстан» кинотеатры күрделі жөндеуден өтіп, әйелдердің спорттық кешеніне айналмақ. Бұл қадамдар қаладағы спорт инфрақұрылымын жақсартып, жастарға жаңа мүмкіндіктер сыйлайды.

2024 жылы қалада 1 Халықаралық дәрежедегі спорт шебері, 4 Қазақстан Республикасының спорт шебері және 47 спорт шеберлігіне үміткер шықты. Ал, еліміздің чемпионаттарынан 11 жеңімпаз, 29 жүлдегер анықталды. Арқалықтың мақтанышы – Антон Цуркан, Александр Шпилевой, Константин Карлышев, Геннадий Баковский, Жұлдыз Сатыбалдина, Гүлмайра Сагиданова, Фарида Қастай, Жаслан Бекболат сынды спортшылар әлем және Азия чемпионаттарынан, халықаралық жарыстардан медальдарды қоржынға салды.

«Қала басшылығына бізді елеуі мен марапаттағаны үшін алғысымызды айтамыз. Спорт адамға күш-қуат, денсаулық және көтеріңкі көңіл-күй сыйлайды. Жаңа жылымызда да табыстарымыз көбейіп, еліміздің спорт саласы одан әрі өркендей берсін», – дейді қалалық балалар мен жасөспірімдер спорт мектебінің бапкері, Халықаралық дәрежедегі төреші Алтынбек Болатов.

Шұға ҚОҢҚАБАЙ

Редактор

Recent Posts

Арқалық қаласында үлкен өзгерістер басталады

Орталық – Батыс күрежолы құрылысы іске қосылып, Қазақстанның орталық өңірлері Транскаспий халықаралық көлік бағытымен байланысқа…

2 дня ago

Вице-министр по ЧС прибыл в Аркалык

Вместе с руководством Костанайской области он ознакомился с паводковой ситуацией (далее…)

2 недели ago

В Костанайской области проводится организованный отгон скота из паводкоопасных зон

В целях предотвращения потерь в сельском хозяйстве и обеспечения безопасности животных разработана карта мест эвакуации…

2 недели ago

Арқалық педагогикалық институты университет атауын алды

17 наурыз күні Қазақстан Республикасының Ғылым және жоғары білім министрлігі Аркалық педагогикалық институтына университет мәртебесін…

3 недели ago

Арқалықта әлеуметтік нысандар мен инфрақұрылымдық жобалар қарқынды

Қостанай облысының әкімі Құмар Ақсақалов Арқалық қаласына жасаған жұмыс сапарында қаладағы бірнеше маңызды құрылыс жобаларының…

3 недели ago

Власти области заверяют, что паводковая ситуация в регионе под контролем

Большая часть первых руководителей области, которые отвечают за безопасное прохождение паводка, в эти часы находится…

3 недели ago

This website uses cookies.