Арқалықта екі жылдық ұлттық жобамен салынып жатқан жайлы мектеп құрылысы аяқталуға таяу. Бүгінгі таңда мұнда 150-ге жуық адам еңбек етуде. Екі қабатты білім ошағы З00 орынға лайықталып салынған.Мектептің сыртқы және ішкі жұмыстары аяқталу шегінде. Құрылысшылар қабырғаларды сырлау, әктеу, еденге линолиум төсеу сынды жұмыстарға жұмылдырылған. Электр желілерінде де ұсақ-түйек шаруалар қалған.
«Жайлы мектеп» ұлттық жобасы аясында инновациялық жабдықтармен бірыңғай стандарт бойынша салынған оқу орындары ашылуда. Жаңа мектеп екі қабатты, бастауыш, орта және жоғары буынды оқытуға арналған блоктары бар. Кең спорт залы толығымен спорттық жабдықтармен жарақтандырылған.
Мектепте 26 оқу кабинеті бар. Оқу зертханаларымен физика, химия, биология пәндерінің кабинеттері, робототехника және компьютерлік сыныптар, STEM зертханалар заманауи түрде жабдықталған.
Оқушыларды жан-жақты дамытуға және педагогтердің белсенді жұмысына арналған акт залы, оқу залы бар кітапхана, ыңғайлы коворкинг зоналар жұмыс жасайды.
Белгіленген меже бойынша жайлы мектеп құрылысы алдағы 6 қарашаға дейін толығымен аяқталып, пайдалануға беріледі деп күтілуде.
«Мүмкіндік болып жатса одан да ертерек бітіріп береміз. Құрылыс материалдары, маман, техника күші жеткілікті»,-дейді құрылыс мердігері «Алюминстрой» ЖШС бас директоры, Қазақстанның құрметті құрылысшысы Абай Мұқанов.
Нысанның жылу, су, кәріз, электр жүйелері іске қосылған. Төбе жұмыстары аяқталды. Маңайы асфальтталып, сырмақтас төселді.
Бұл облыста «Жайлы мектеп» Ұлттық жобасы аясында ашылған екінші мектеп екенін естеріңізге саламыз. Аталған жоба бойынша 4500 орынға арналған 6 мектеп ашылатын болады.
Шұға ҚОҢҚАБАЙ
Суреттерді түсірген – Мұрат ЖҮНІСҰЛЫ
Қостанай облысында республикалық маңыздағы KAZ13 «Жезқазған – Арқалық – Петропавл» автомобиль жолының 323–339 шақырым аралығындағы,…
«KAZRAIL» компаниясы «Астана – Арқалық» бағыты бойынша қатынайтын №610/611 жолаушылар пойызында Starlink интернет желісін пилоттық…
Әлеуметтік желілерде Арқалық қаласы тұрғындарының ет тапшылығы мен мал сою ісін ұйымдастырудағы қиындықтар туралы видеосы…
Бұған дейін Арқалықтағы мерекелік шара өткен мейрамханада жаппай улану оқиғасы тіркелгені туралы жазғанбыз. (далее…)
Арқалық қаласында екі жаңа әлеуметтік нысанның ашылуы өтті. Спорттық интернаттың жатақханасы мен күреске арналған арнайы…
Қостанайда өткен «Тобыл толқыны – 2025» қалалық командалық ашық байқауында Арқалық қаласының «Арқа сазы» ұлт-аспаптар…
This website uses cookies.