Қайта қалпына келтіру үшін қазынадан 8,4 млрд бөлінбек.
1990 жылдардан бері бос тұрған ғимаратты облыс әкімдігі өткен жылдың аяғына таман сатып алған. Сөйтіп, Арқалық қаласының әуе қатынасын қалпына келтіруге қатысты ауқымды жоба әзірленді.
Бүгінгі таңда кешеннің барлық инфрақұрылымы істен шыққан. Аэровокзал әбден қирап, бүлінген. Терминал ғимараты екі мыңыншы жылдары жекешелендірілген.
Тек, ұшу-қону жолағы ғана қала әкімдігінің балансында тұр. Мамандардың айтуынша, ұшу-қону жолағын жөндеу, терминал салу, арнайы техника, метеорологиялық және радиотехникалық жабдықтар сатып алу жоспарланған. Арқалық қаласының әуежайын қалпына келтіру бойынша барлық жұмыстың болжамды құны 8,4 млрд теңгеге бағаланып отыр.
«Қазір біз Арқалық қаласындағы әуежайдың қызметін қайта іске қосу үшін жұмыс істеп жатырмыз. Бүкіл зерттеу-тексеру жұмыстары аяқталуға жақын. Жобалық-құндық құжаттары да дайын. Барлық жобаны жоспарға сай жүргізетін болсақ, әуежайды уақытында іске қосу мүмкіндігі жоғары. Әуежайды қалпына келтіру қаланың инфрақұрылымын нығайту және жергілікті тұрғындардың өмір сүру деңгейін арттыру үшін маңызды қадам екендігі даусыз», – деді облыс әкімі Құмар Ақсақалов облыстың әлеуметтік-экономикалық даму барысына қорытындылған басқосуда.
Айта кетейік, әуежайды қайта жаңартқаннан кейін, терминалдан сағатына жетпіс жолаушыға дейін өткізілмек. Әзірге, «Қостанай-Арқалық-Қостанай», «Астана-Арқалық-Астана» бағыттарын ұйымдастыру жоспарланған.
Шұға ҚОҢҚАБАЙ
Сурет интернеттегі ашық дереккөзден алынды
Қазіргі таңда перзентхана ғимаратына күрделі жөндеу жүргізілуде. (далее…)
Қостанай облысының әкімі Арқалық қаласына жұмыс сапары барысында бірқатар нысандарды аралап, өңірдегі инфрақұрылымдық жобалардың барысымен…
Арқалықтан Ұлытау ауданына дейінгі аралықта салынып жатқан жаңа күре жол құрылысы қарқынды жүріп жатыр. (далее…)
Арқалық қаласында әйгілі «Ұлы дала жорығы» атты халықаралық ат марафоны өз мәресіне жетті. (далее…)
Арқалық қаласында ұзақ жылдар бойы бос тұрған қалалық мәдениет сарайы күрделі жөндеуден өтіп, қайтадан пайдалануға…
Арқалық қаласында өзін қалыңдық ретінде таныстырып, болашақ жарымен және оның туыстарымен бірге тұрып, бірнеше несие…
This website uses cookies.