Арқалық қаласында көп қабатты тұрғын үйдің құрылысы басталды. Байтұрсынов көшесінде орналасқан 60 пәтерлі тұрғын үйді жөндеуге облыстық бюджеттен 974,4 млн теңге қаражат бөлінген.Ұзақ жылдар бойы бос тұрған бұл ғимаратты қайта қалыпқа келтіру жұмысын «Мыржықов» жеке кәсіпкерлігі жүргізіп жатыр. Қазіргі уақытта құрылысшылар ішкі жөндеу жұмыстарын қолға алып, ғимаратты қоқыстан тазарту, жылу жүйелерін қалпына келтіру жұмыстарын атқаруда.
«Қазіргі таңда құрылыс қызу жүріп жатыр. Терезелерге тапсырыс бердік, әзірге ашпаймыз, себебі ішке суық кіріп кетуі мүмкін. Бес-алты ай ішінде толық аяқтауды жоспарлап отырмыз», – дейді кәсіпкерлік басшысы Еркебұлан Мыржықов.
Бұл кәсіпкер бұған дейін де осындай жағдайда тұрған 48 пәтерлі тұрғын үйді жөндеп, халық игілігіне тапсырған болатын.
Құрылысқа 16 жергілікті жұмысшы тартылған. Олар еңбек жағдайының жақсы екенін және жұмыстарының уақытылы бағаланатынын айтып отыр.
Қаланың байырғы тұрғындарының бірі Хайролла Аяпов бұл бастаманың Арқалықтың дамуындағы оң өзгеріс екенін атап өтті.
Қала билігінің мәліметінше, баспанаға мұқтаж тұрғындарға тағы да 40 пәтерлік үйге қолайлы ғимарат қарастырылып жатыр. Демек, алдағы күзде қоныс тойын тойлайтын тұрғындардың саны арта түспек.
Шұға ҚОҢҚАБАЙ
Суреттерді түсірген – Мұрат ЖҮНІСҰЛЫ
Қостанай облысында республикалық маңыздағы KAZ13 «Жезқазған – Арқалық – Петропавл» автомобиль жолының 323–339 шақырым аралығындағы,…
«KAZRAIL» компаниясы «Астана – Арқалық» бағыты бойынша қатынайтын №610/611 жолаушылар пойызында Starlink интернет желісін пилоттық…
Әлеуметтік желілерде Арқалық қаласы тұрғындарының ет тапшылығы мен мал сою ісін ұйымдастырудағы қиындықтар туралы видеосы…
Бұған дейін Арқалықтағы мерекелік шара өткен мейрамханада жаппай улану оқиғасы тіркелгені туралы жазғанбыз. (далее…)
Арқалық қаласында екі жаңа әлеуметтік нысанның ашылуы өтті. Спорттық интернаттың жатақханасы мен күреске арналған арнайы…
Қостанайда өткен «Тобыл толқыны – 2025» қалалық командалық ашық байқауында Арқалық қаласының «Арқа сазы» ұлт-аспаптар…
This website uses cookies.