2025 жылғы 8 қыркүйектегі Қазақстан халқына Жолдауында Президент Қасым-Жомарт Тоқаев Торғай өңіріне айрықша көңіл бөлу керек екенін қадап айтты.
Мемлекет басшысы айтқан межелі міндеттердің бірі – Арқалық қаласындағы әуежайды қалпына келтіру. Бүгінде бұл бағыттағы жұмыстар басталып кетті. Бұл игі бастама өңірдің экономикалық белсенділігін арттырып, өзге де салалардың дамуына серпін бермек. Әуе қатынасы жанданса, тұрғындардың өзге аймақтарға қатынауы жеңілдеп, жаңа мүмкіндіктерге жол ашылады.
Торғай арқылы өтетін «Орталық – Батыс» күре жолының маңыздылығы туралы Президент бұған дейін Бурабайда өткен Ұлттық құрылтайда да айтып өткен болатын. Сол жолдың құрылысы бүгінде басталып кетті. 4 жылда толық салынып бітеді деп жоспарлануда. Сарапшылардың айтуынша, бұл тас жол Торғай өңірінің тамырына қан жүгіртетін күре арнаға айналады.
«Торғай аумағы халқын біріктіріп отырған осы Батыс пен Орталық тас жолы салынады деген хабарды естіп қуанып жүрміз. Адамның бойына күш-қуат беретін қан тамыр ғой. Сол сияқты мынау Торғай өңіріне күш беретін жаңа күре тамыр секілді деп ойлаймын», -дейді Арқалық қаласының тұрғыны Ақылбек Сапарғали
4 миллион гектарға жуық жерді алып жатқан киелі Торғай атырабы – кезінде 400 мың қой өрбіген, асты да, үсті де байлыққа толы өңір. Мұнда қара тұз, қоңыр көмір, мұнай, ыстық су секілді табиғи ресурстар бар. Бұл байлық игерілсе, өңірдің өркендеу күні алыс емес.
Шұға ҚОҢҚАБАЙ
Сурет ашық дереккөздерден алынды
Здесь скоро начнется строительство антенно-мачтового сооружения. (далее…)
Госзакупку объявляли четыре раза за две недели, но пока безуспешно. (далее…)
Такое требование поставили перед подрядчиком местные власти. (далее…)
На портале госзакупок появился лот на разработку проектно-сметной документации для медколледжа по адресу: ул. Ш.…
Возрождение воздушной гавани в Аркалыке выходит на финишную прямую. (далее…)
Все работы будет проводить местный подрядчик. (далее…)
This website uses cookies.