Арқалықта университет кешені мен темір жол вокзалы жаңартылуда

 Қала орталығындағы көп қабатты бос ғимарат қаланың коммуналдық меншігіне алынып, қайта қалпына келтіру жұмыстары белсенді түрде жүргізілуде.

Облыс әкімінің тұрақты бақылауында тұрған нысанның сыртқы және ішкі жөндеу жұмыстары қарқынды жүруде. Құрылыс мердігері – «Алюминстрой» ЖШС – жұмыстарды мерзімінен бұрын аяқтауға уәде беріп отыр.
Жөндеу жұмыстары аяқталған соң, ғимаратта Ы. Алтынсарин атындағы Арқалық педагогикалық университеті жаңа жылды жаңа ғимаратта қарсы алады.

Сонымен қатар, темір жол вокзалында да жөндеу жұмыстары жүргізілуде. Облыс әкімі құрылыс барысын егжей-тегжейлі қарап, вокзал қызметтерін толықтай сандық жүйеге көшіруді тапсырды. Бұл жолаушыларға ақпарат алудың ыңғайлы және заманауи мүмкіндіктерін ұсынады. Жөндеу жұмыстары жыл соңына дейін толық аяқталады деп жоспарлануда.

Шұға ҚОҢҚАБАЙ
Суретті түсірген – Бердіболат КӨРКЕМБАЕВ