Әлеуметтік желілерде Арқалық қаласы тұрғындарының ет тапшылығы мен мал сою ісін ұйымдастырудағы қиындықтар туралы видеосы тарады
Мәселен, қасапшылардың айтуынша, малды арнайы ет комбинатына апарып, сойдыру қажеттілігі өнімнің өзіндік құнын арттырады.
Қала тұрғыны Гүлнұр Сейдахметованың айтуынша, соңғы аптада базар сөрелерінен сиыр еті мүлде жоғалып кеткен.
– Бұрын күн сайын ет сатып алатынбыз. Ал қазір кей дүкендерде мүлде жоқ, ал бар жерлерде бағасы қымбаттап кетті. «Қайда кетті?» деп сұрасаң, комбинатқа апарып соямыз, құжат керек дейді, – дейді тұрғын.
Бұл жағдайға қатысты қала әкімдігі түсініктеме берді. Ведомствоның мәліметінше, қазіргі уақытта уәкілетті орган ветеринариялық бақылау және қадағалау аумақтық инспекциясы ветеринариялық ілеспе құжаттарды рәсімдеу және беру ережелерінің сақталуын бақылап жатыр.
– Қолданыстағы заңнамаға сәйкес, ветеринариялық анықтамалар тек ресми мал сою жағдайларында ветеринариялық-санитарлық талаптарға сай жұмыс істейтін сою пункттері мен алаңдарында ғана рәсімделеді, – делінген әкімдік хабарламасында.
Қазіргі таңда базарлар мен сауда орындарында сатылатын мал етін сою жұмыстары «Торғай Ет» ЖШС ет комбинатының сою алаңында жүргізіледі. Мұнда ветеринариялық-санитарлық бақылаудың толық циклі қамтамасыз етіледі, сондай-ақ ілеспе құжаттар рәсімделіп, ет уақытша сақтауға алынады.
Әкімдіктің мәліметінше, қызмет бағасы келесідей: ұсақ мал – 5 622 теңге, ірі қара – 20 873 теңге, жылқы – 30 900 теңге.
Сондай-ақ етті сақтау үшін тоңазытқыш камера ұсынылады. Оның құны – 1 тоннаға айына 110 000 теңге.
Қазір «Тугамбаева-Р» жеке кәсіпкердің сою алаңындағы бұзушылықтарды жою бойынша жұмыстар жүріп жатыр. Нысанды 2025 жылдың қараша айының ортасында қайта іске қосу жоспарланған. Сонымен қатар, өңірде қосымша үш мал сою пунктін салу мәселесі қарастырылуда.
Ал қазіргі етпен қамтамасыз ету мақсатында Қостанай қаласындағы «Тобыл» ӘКК арқылы Арқалыққа «Қарасу Ет» ЖШС-нен 300 келі сиыр еті жеткізілді. Бағасы – нарықтағы құнынан төмен.
Шұға ҚОҢҚАБАЙ, фото “Наш Қостанай” газетінің архивінен
Работы по благоустройству фасадов продолжаются третий год. (далее…)
В преддверии 70-летия Аркалыка в городе реализуются крупные проекты в социальной, инфраструктурной, культурной и экономической…
Территориальный департамент государственного энергетического надзора и контроля по Костанайской области ведет постоянный мониторинг того, как…
Пять многоквартирных домов этим летом приведут к единому архитектурному стилю (далее…)
Строительство новых объектов запланировано августе-сентябре 2026 года (далее…)
Лот на приобретение блочно-модульного ветеринарного пункта с расколом в селах Жалгызтал, Ашутасты, Коктау, Родина и…
This website uses cookies.