Қостанай облысындағы Арқалық қаласында бос тұрған әлеуметтік нысандар қалпына келтіріліп, спорттық мақсаттарға беріліп жатыр. Қалада осындай 20-дан астам ғимарат бар.
Қазіргі таңда жөндеуден өткен ғимараттар спорт залдары мен кешендерге айналуда. Арқалықта спортпен шұғылданатындар саны – 17 мың адам, бұл қала халқының 45 пайызын құрайды. Қаладағы жалғыз қолжетімді спорт нысаны – «Жігер» стадионы. Ол күніне таңғы 8-ден түнгі 12-ге дейін жұмыс істейді. Аптасына мұнда шамамен үш мың адам келеді.
– Қазіргі жүктеме өте жоғары. Мұнда қала тұрғындарымен қатар, спорт мектебінің оқушылары, колледж студенттері және түрлі құрамалар жаттығады, – деді Арқалық қалалық дене шынықтыру және спорт бөлімінің басшысы Айтжан Мәліков.
30 жылдан аса уақыт бос тұрған бір ғимарат биыл толық қалпына келтіріледі. Онда дарынды балаларға арналған спорт интернатының жатақханасы орналасады. Жақын маңда күрес залы да салынбақ. Бұл мақсатқа бюджеттен 1,2 миллиард теңге бөлінді.
Жақын арада тағы екі ғимаратты қайта жаңғырту жоспарланып отыр. Оның бірі – бұрынғы «Қазақстан» кинотеатры, енді спорт нысанына айналмақ. Екіншісі – ауыл шаруашылығы басқармасының бұрынғы ғимараты, ол қалалық институттың оқу корпусы ретінде пайдаланылмақ.
– Спорт интернаты бойынша мердігер анықталды. Ал кинотеатр ғимаратына қатысты конкурстық рәсімдер жақын арада жарияланады, – дейді Арқалық қалалық құрылыс, сәулет және қала құрылысы бөлімінің басшысы міндетін атқарушы Асылбек Шоқақов.
Қазіргі таңда Арқалықта спорттың 30 түрі дамып келеді. Ең танымал түрлер — дзюдо, қазақ күресі, ауыр атлетика, бокс, футбол және тоғызқұмалақ. Жастар арасында ММА, панкратион, самбо сияқты бағыттарға қызығушылық артып келеді.
– Жаңа спорт кешені ашылса, бүгінде жекеменшік немесе жертөледе жаттығып жүрген балаларды бір орталыққа жинақтауға мүмкіндік туады,- дейді Айтжан Мәліков.
Қалада бос нысандарды қайта жаңғыртумен қатар, екі дене шынықтыру-сауықтыру кешені мен жабық мұз айдынын салу жоспарланып отыр.
Шұға ҚОҢҚАБАЙ
Суреттерді түсірген – Мұрат ЖҮНІСҰЛЫ
С 4 по 9 августа Аркалык на несколько дней стал главной спортивной столицей области В…
О том как идет подготовка к новому отопительному сезону и в частности именно в Аркалыке…
Работы по благоустройству фасадов продолжаются третий год. (далее…)
В преддверии 70-летия Аркалыка в городе реализуются крупные проекты в социальной, инфраструктурной, культурной и экономической…
Территориальный департамент государственного энергетического надзора и контроля по Костанайской области ведет постоянный мониторинг того, как…
Пять многоквартирных домов этим летом приведут к единому архитектурному стилю (далее…)
This website uses cookies.